Tesoronan di Aruba: Competencia di Video y Potret

Descripcion

Un competencia anual di fotografia y video pa enrikese Aruba su website oficial www.aruba.com

Objectivo

Explora y captura aspectonan unico di nos isla cu normalmente no ta wordo propaganda manera entre otro, sitionan tipico of secreto, nos hendenan y paisaje di Aruba captura pa medio di e bista y tambe for di e sentimento nan di e curason di nos Arubianonan mes. Particularmente imagen unico considera como “e tesoro di Aruba”. Na e mesun momento, dunando e comunidad Arubano e oportunidad pa experiencia nan isla for di un bista diferente.

Kende por participa

E competencia aki ta habri pa henter e publico di Aruba, tur edad, es decir cualkier persona cu tin un camera y videocamera digital na nan disposicion.

Periodo

E competencia aki lo inicia dia 19 di Oktober proximo y lo culmina dia 13 di December 2010. Na momento cu bo registra den e competencia, automaticamente bo ta bai di acuerdo cu tur reglamento y demandanan stipula den e reglanan oficial di e competencia.

!!! Debi na feedback ricibi cu concursantenan no por a saca potret of hasi grabacion debi na jobidanan cu nos tabata tin den e ultimo dianan aki, nos ta extende e competencia te cu dia 21 di Januari 2011 !!!

Categorianan pa video y potret

  • Bida Nocturno
  • Evento (evento musical, Aruba su hendenan, arte visual)
  • Arquitectura
  • Nos Beachnan
  • Deporte Extremo

Con pa registra na e competencia

Tur participante ta permiti solamente un potret y video pa cada categoria. Tur registracion mester cumpli cu e siguiente requisitonan pa por participa:

  • Completa e documento di registración online. E formulario di aplicación mester ta completamente yena pa por participa. Mester entrega un CD cu potretnan of video na Aruba Tourism Authority hunto cu e formulario.
  • E participante mes, mester ta e fotografo y productor di tur potret y video. E potret mester ta un trabow original crea pa e participante mes. Na momento di e registracion, e participante mester ta na altura y confirma cu tur potret entrega a wordo produci originalmente pa su persona solamente y no conhuntamente cu otro persona y cu ningun otro persona tin e derecho, titulo, exigencia of interes den e potretnan entrega. Si mester constata lo contrario, nan tin e derecho pa descualifica e participante.

Tur potret y video mester conta cu e siguiente specificacion

  • Tur potret mester wordo tuma cu un camera digital, mester conta cu un resolucion di entre 500 pa 500 pixel y 1000 pa 1000 pixel. Solamente den e formato JPEG, no mas di 300 dpi.
  • E potretnan/video mester mustra tecnica excelente, originalidad como tambe creatividad artistico.
  • No ta acepta potretnan cu a wordo cambia of altera cu cualkier programa. Na momento cu un di e juradonan nota cu esaki a tuma lugar, nan tin e derecho pa descualifica e participante.
  • Tur video mester tin un minimum di 30 segundo y un maximum di 120 segundo di duracion.
  • Formatonan di e video ta inclui: avi, divx, dv, mov, mp4, mpeg, y mpg.
  • Den e caso cu e video ta inclui audio, imagenan, y/of actuacion di un otro persona, e participante mester jena un documento skirbi unda ta ilustra cu e persona aki ta duna e participante tur derechonan riba su audio, imagenan, y/of actuacion y ta renuncia riba cualquier tipo di pago of contribucion for di ATA.
  • No ta permiti ningun potret of video obseno, provocativo of cu no ta cuadra cu e objetivo di e competencia, esaki lo ta solamente na e discrepacia di e patrocinador.
  • Tur registro den e diferente categoria lo wordo huzga, di acuerdo cu e definición di e criteria di e hurado.
  • Ta limita na solamente un aplicacion pa persona den cada categoria individual tanto pa potret como video.

Premionan

  • Apple MacBook Pro (13 inch)
  • Nikon D90
  • iPhone 4 (32 GB)
  • LaCie Hard Disk MAX Quadra (2TB external hard drive)
  • Latest Smartphone
  • Apple Magic Trackpad
  • Tiara Air Tickets
  • Registracion di un dotcom domain y webhosting gratis pa 2 anja

Criteria pa fotografia y video

E competencia ta consisti di 2 ronda di evaluacion.
Un panel di hurado consistiendo di diferente fotografo, productornan y artistanan den  nos comunidad lo evalua e diferente aplicacionan ariba e siguiente criteria:

  • Mensahe claro riba e topico principal “Tesoronan di Aruba”
  • Impacto en general
  • Originalidad
  • Creatividad
  • Calidad

E desicion di e hurado lo ser tuma ariba e prome siman di December 2010. E desicion di e sponsor y hurado lo ta e desicion final y comprometi.

E potretnan y video ganador mester ilustra un combinacion fuerte di e diferente exigencia nan cu ATA y e huradonan ta buskando den e imagen. Esaki ta inclui e calidad di luz, coloranan cu ta capta atencion, composicion balanza, claridad, cobertura corecto como tambe e demas elementonan exigi pa e competencia.

Patrocinador

Cada patrocinador lo wordo menciona tur comunicado di prensa, un link directo cu aruba.com y mas importante, lo contribui positivamente cu Aruba su turismo.

Tur material sea potret of video mester wordo entrega na Aruba Tourism Authority.

Pa mas informacion por jama Paula Ochoa na tel: 5823777 ext.237. Of manda bo E-mail na: p.ochoa@aruba.com

REGLANAN OFICIAL Y RESTRICCION

Na momento cu bo entrega bo aplicacion di participacion, bo ta bai completamente di acuerdo y ta acepta tur regla oficial como tambe cualkier desicion di ATA, cual ta definitivo y concreto.

Ningun aplicacion lo no wordo debolbi. Na momento cu bo entrega bo potret(nan) of video(nan), Aruba Tourism Authority tin tur derecho pa keda cu bo potret y video conjuntamente cu bo nomber ariba e website www.aruba.com of den cualkier otro material promotional di ATA sin ningun deber financiero cu e participante.

Tur potret y video entrega mester ta saka y filma na Aruba.

E participante mes, mester ta e fotografo y productor di tur potret y video. E potret y video mester ta un trabow original crea pa e participante mes. Na momento di e registracion, e participante mester ta na altura y confirma cu tur potret y video entrega a wordo produci originalmente pa su persona solamente y no conhuntamente cu otro persona y cu ningun otro persona tin e derecho, titulo, exigencia of interes den e potretnan y videonan entrega.

Tur material ricibi durante e competencia lo bira automaticamente propiedad di Aruba Tourism Authority y lo tin tur derecho reserva di e material. Tur información encuanto di e registracion como tambe premio ta inclui den e reglanan oficial di e competencia.

E participante mester mantene tur derecho ariba su potret y video. Den e caso cu un persona ta visible ariba e potret of video, mester entrega un “waiver” por escrito cu ta ilustra e nomber di e persona y den caso di un mucha of menor di edad, mester inclui información di e pariente of voogd na momento cu e potret y video aki wordo escohi.

Downloadnan

Ora di entrega e video(nan) y/of potret(nan), e participante mester jena e formulario di registro como tambe e waiver/model release. Si bo ta desea, bo por download nan PDF filenan cu bo ta hanja a continuacion:
Download Formulario di Registro
Download Model Release
Download Video Release

From Previous Competitions